ನದಿ

ಓಡುತಿದೆ ನದಿ ಓಡುತಿದೆ

ಗುಡ್ಡ ಬೆಟ್ಟ ಕಣಿವೆಗಳಲಿ ತಾ

ಜಿಗಿಯುತಿದೆ ತಾ ಜಾರುತಿದೆ

ಕಲ್ಲು ಮಣ್ಣು ಕಸ ಕಡ್ಡಿಗಳ

ಪಾಪ ಪುಣ್ಯದ ಮೂಟೆಗಳ 

ಜೊತೆಗೇ ತಾ ಒಯ್ಯುತಿದೆ

ಜಗದ ಕೊಳೆ ತಾ ತೊಳೆಯುತಿದೆ

ಮಂದಗತಿಯಲಿ ಸಾಗುತಿದೆ

ಸಮತಲವಾದ ಮೈದಾನದಲಿ

ದಣಿವನು ಆರಿಸಿ ಮುಗುಳುನಗೆ ಬೀರಿ

ಚಂಗನೆ ಜಿಗಿದು ಜಲಪಾತವನು

ಸೃಷ್ಟಿಸಿದೆ ತಾ ಮೂಕವಿಸ್ಮಿತನಾಗಿಸಿದೆ

ಮೇಲು ಕೀಳಿನ ಬೇದವೆ ಇಲ್ಲದೆ

ಜಾತಿ ಧರ್ಮದ ಗೊಡವೆಗೆ ಹೋಗದೆ

ಎಲ್ಲರಿಗೂ ತಾ ನೀರನು ಹನಿಸಿ

ಸಾಗರ ಸೇರುವ ಗುರಿಯ ಕಡೆ ತಾ

ಧಾವಿಸಿದೆ ಮನದಲಿ ಧನ್ಯತಾ ಭಾವನೆ ಮೂಡಿಸಿದೆ