ವಿಶ್ರಾಂತಿ
ನಾನು ನನ್ನೊಳಗಿಲ್ಲ ನಿನ್ನೊಳಗೂ ಇಲ್ಲ
ಕಳೆದೇ ಹೋಗಿಹೆ ಇಹದ ಪರಿವೆಯಿಲ್ಲದೆ ಎಲ್ಲೋ
ಎಲ್ಲವೂ ಖಾಲಿ ಖಾಲಿಯೀಗ ನಡೆದಷ್ಟೂ ದೂರ ಬಟ್ಟಾ ಬಯಲು
ನೆಟ್ಟಿಹುದು ನೋಟವೀಗ ಶೂನ್ಯದಲ್ಲಿ
ಹುಡುಕಿ ಪಡೆವುದೇನಿದೆ ಇನ್ನು
ಅದೇ ಸಿಮಿತದ ವೃತ್ತದಲ್ಲಿ
ಅರಿತ ಮನ ಕಾತರಿಸದಿನ್ನು ಜಡವಾಗಿದೆ
ಬೆಳೆದ ಹಸಿರು ಹುಲ್ಲಾಗಿದೆ ಮರಳು ಬಿಸಿಲಿನಲ್ಲಿ
ಕಂಡೆ ದೂರದಲಿ ನೀರೆಂಬ ಆಸೆ
ಹತ್ತಿರದಿ ಕೈಯ್ಯೊಡ್ಡುವಾಗ
ಮರಳುಗಾಡಿನ ಬಿಸಿಲ್ಗುದುರೆ
ಮನ ಮೋಸ ಮಾಡಿತ್ತು ಭ್ರಮೆಯ ರೂಪದಲಿ
ಮುಸ್ಸಂಜೆ ಬಂದಾಯ್ತು
ಬೆಳಕಿಗಿಂತ ಕತ್ತಲೆಗೇ ಹತ್ತಿರ
ಅಲೆದು ದಣಿದಿದೆ ಜೀವ ನಿಟ್ಟುಸಿರಿಟ್ಟು
ಬಯಸಿ ಅಪ್ಪುತಿದೆ ವಿಶ್ರಾಂತಿಯನ್ನು..
ನಾನು ನನ್ನೊಳಗಿಲ್ಲ ನಿನ್ನೊಳಗೂ ಇಲ್ಲ
ಕಳೆದೇ ಹೋಗಿಹೆ ಇಹದ ಪರಿವೆಯಿಲ್ಲದೆ ಎಲ್ಲೋ
ಎಲ್ಲವೂ ಖಾಲಿ ಖಾಲಿಯೀಗ ನಡೆದಷ್ಟೂ ದೂರ ಬಟ್ಟಾ ಬಯಲು
ನೆಟ್ಟಿಹುದು ನೋಟವೀಗ ಶೂನ್ಯದಲ್ಲಿ
ಹುಡುಕಿ ಪಡೆವುದೇನಿದೆ ಇನ್ನು
ಅದೇ ಸಿಮಿತದ ವೃತ್ತದಲ್ಲಿ
ಅರಿತ ಮನ ಕಾತರಿಸದಿನ್ನು ಜಡವಾಗಿದೆ
ಬೆಳೆದ ಹಸಿರು ಹುಲ್ಲಾಗಿದೆ ಮರಳು ಬಿಸಿಲಿನಲ್ಲಿ
ಕಂಡೆ ದೂರದಲಿ ನೀರೆಂಬ ಆಸೆ
ಹತ್ತಿರದಿ ಕೈಯ್ಯೊಡ್ಡುವಾಗ
ಮರಳುಗಾಡಿನ ಬಿಸಿಲ್ಗುದುರೆ
ಮನ ಮೋಸ ಮಾಡಿತ್ತು ಭ್ರಮೆಯ ರೂಪದಲಿ
ಮುಸ್ಸಂಜೆ ಬಂದಾಯ್ತು
ಬೆಳಕಿಗಿಂತ ಕತ್ತಲೆಗೇ ಹತ್ತಿರ
ಅಲೆದು ದಣಿದಿದೆ ಜೀವ ನಿಟ್ಟುಸಿರಿಟ್ಟು
ಬಯಸಿ ಅಪ್ಪುತಿದೆ ವಿಶ್ರಾಂತಿಯನ್ನು..