Wednesday 30 May 2012


ಪಂಜರದ ಗಿಳಿ
ನಾನಿಲ್ಲಿ ಪಂಜರದಾ ಗಿಳಿ ನಲ್ಲಾ
ನಿನ್ನ ಹೃದಯದ ಪಂಜರದಲ್ಲಿ
ನನ್ನ ಬಂಧಿಸಿರುವೆಯಲ್ಲಾ
ಹಾರಬೇಕೆಂದರೂ ಹಾರಲಾರೆ
ಓಡಬೇಕೆಂದರೂ ಓಡಲಾರೆ
ನಿನ್ನ ಪ್ರೇಮ ಪಾಶ ಇಲ್ಲೇ
ಎಳೆದು ತರುವದಲ್ಲಾ
ಇದು ಅಂತಿಂತ ಪಂಜರವಲ್ಲ
ಕಬ್ಬಿಣದಂತೆ ತುಕ್ಕಿಲ್ಲ
ಮಣ್ಣಿನಂತೆ ಅಳಿವಿಲ್ಲ
ಬಣ್ಣಗಳೆಂದು ಮಾಸೋಲ್ಲ
ಇದು ನಿತ್ಯ ನೂತನದ
ಪ್ರೀತಿಯಾ ಪಂಜರ
ನನಗೆ ಬೇಸರವಿಲ್ಲ
ಹೊರಬರಲಾರೆ ನಾನೆಂದು
ಸಿಗುತಿಹುದು ಸುಖ ನೆಮ್ಮದಿ
ಇಲ್ಲಿಯೇ ನನಗಿಂದು
ಆ ದೇವರೇ ನೀಡಿಹನು
ಬೆಡಲೇನಿಲ್ಲ ನನಗಿನ್ನು
ಸ್ವಾತಂತ್ರ್ಯದ ಹುಚ್ಚ್ಯಾಕೆ
ನಿನ್ನ ಪ್ರೀತಿ ಕಾಯುವಾಗ
ಈ ಪಂಜರದ ಗಿಳಿಯನ್ನು
ನನಗನಿಸಿಲ್ಲ ಇದು ಸಂಕೋಲೆ ಎಂದು
ಅರಿತಿಹೆ ನಾ ಇದು ಪ್ರೀತಿಯಾ ಬಂಧವೆಂದು
ಕಾಣುತಿಹೆ ಪ್ರತಿದಿನವೂ ಹೊಸತನ
ನಮ್ಮ ಜೀವನವೇ ಒಂದು ಪ್ರೇಮದಾ ಕವನ
 



No comments:

Post a Comment