ಭರವಸೆ 
ಮಂಜು ಮುಸುಕಿದ ಹಾದಿಯಿದು 
ಜೊತೆ ಮುಸ್ಸಂಜೆಯೂ ಆಗಿಹುದು 
ಎಲ್ಲೆಂದು ಹುಡುಕಲಿ ನಾ ನಿನ್ನ 
ಬಂದು ಸೇರಲಾರೆಯಾ ನೀ ನನ್ನ 
ಕತ್ತಲಾವರಿಸೊ ಮುನ್ನ 
ದಾರಿಯುದ್ದಕೂ ಅರಳಿ ಸತ್ತ 
ಆಸೆ ಹೂಗಳು ಹಲವು 
ಸಿಗದಿರೆ ಎಲ್ಲೆಲ್ಲೂ ನಿನ್ನ 
ಇರುವಿಕೆಯ ಕುರುಹುಗಳು 

ಆದರೇನಂತೆ ಹೊಳೆಯುತಿದೆ ಎದೆಯಲ್ಲಿ
ಸೋಲನೊಪ್ಪದ ನಂಬಿಕೆಯ ಕಿಚ್ಚು
ಬಂದು ಸೇರುವೆ ನೀ ನನ್ನ
ಕತ್ತಲಾವಾರಿಸೊ ಮುನ್ನ
ಅಂದು ಶಬರಿಯ ಭರವಸೆಯು
ಕರೆತರಲಿಲ್ಲವೇ ಶ್ರೀ ರಾಮನನ್ನ
ಬರದಿದ್ದರಲ್ಲಿ ನಡೆಯುತ್ತಿತ್ತು
ನಂಬಿಕೆಯ ಮಾರಣ ಹೋಮ
ಮುಸ್ಸಂಜೆಯಾದರೆನಂತೆ ಕತ್ತಲಲ್ಲವಲ್ಲ
ದೀವಟಿಗೆ ನೀ ಹಿಡಿದು ನಡೆಸಲು
ಬಂದು ಸೇರುವೆ ನನ್ನ
ಕತ್ತಲಾಗುವ ಮುನ್ನ ...