Friday, 26 July 2013

ನೀನಿಲ್ಲದ ಆ.... ದಿನ ...

ರವಿಯು ಬಾನಲಿ ಜಾರುತಿರಲು 
ನಿಶೆಯು ತಾನು ತೆವಳುತಿರಲು 
ಬಾಡಿ ಮುದುಡಿದ ನೊಂದ ಮನಕೆ 
ನಿನ್ನ ಕರೆಯೇ ಮನದಿ ಬೆಳಗೊ ನಂದಾದೀಪವು

ಶಶಿಯು ನಭದಿ ನಗುತಲಿರಲು 
ಇರುಳಲಿ ಚಲ್ಲೆ ಬೆಳದಿಂಗಳ ಹಾಲು
ಏಕಾಂತದಿ ನಿಂತು ಮೊರೆವ ಹೃದಯಕೆ 
ನಿನ್ನ ಸಂದೇಶ ತಂತು ಪ್ರೇಮದಾ ಹೊನಲು

ಇಳೆಯ ಮಳೆಯ ಸರಸದಲ್ಲಿ
ಜಗವೆ ನಡುಗಿರೆ ಕೊರೆವ ಚಳಿಗೆ
ಹೆದರಿ ನಡುಗಿ ಬಡಿವ ಹೃದಯಕೆ
ನಿನ್ನ ನೆನಪೆ ಕಂಬಳಿಯಾಯ್ತು ಬೆಚ್ಚಗಿರಿಸಲು ಲಾಲಿ ಹಾಡಲು.

2 comments:

  1. ಧನ್ಯವಾದಗಳು...ಕನಸು ಕಂಗಳ ಹುಡುಗ

    ReplyDelete